Жаңалықтарды Telegram арнамыздан оқыңыз!Қылмыстық топ үш жыл бойы Ресейден Батыс Қазақстанға битум әкелумен айналысқан. Фирма директоры Орынбор зауытынан жалған құжат арқылы мұнай өнімін алып, құрылыс компанияларына сатқан. Оған зауыт директорымен қоса, өзге де 4 адам сыбайлас болған. Ал, біздің елге битум кіргізуге тыйым салынған. Қылмыстық топтың жетекшісі Қайрат Намазбаев тағылған айыппен келіспеді. Бірақ сот 6 адамды да айыпты деп таныды. Сондай-ақ, сотталғандардан мемлекет пайдасына 539 млн теңге шығын мен құны 4 млрд теңге болатын қылмыстық жолмен табылған мүлік тәркіленеді.
Қайрат Шалқаров, БҚО Қылмыстық істер жөніндегі мамандандырылған ауданаралық сотының судьясы:
- Сот үкімімен Қайрат Намазбаевқа 10 жыл, Ж.Қайырбаев, Т.Қалиев, А.Балтұрманов және Н.Кенженовке 8 жылға бас бостандығынан айыру жазасы кесілді. Жұмыстары орындалмаған, қызметтері көрсетілмеген, тауарлары жөнелтілмеген шот-фактуралар жазуға барған Бақытжан Жақатаев 5 жылға сотталды.
Ардақ МҰРАТҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
