Жаңалықтарды Telegram арнамыздан оқыңыз!Қатты аяздың салдарынан техниканың өзі сыр беріп, темір жол қатынасы кідірді. «Риддер- Астана» және кері бағыттағы «Астана-Риддер» 375,376 пойыздары бірнеше сағатқа кестеден кешікті. Жауапты мекеме өкілдерінің айтуынша, вагонның қосалқы бөлшегі істен шыққан. Салдарынан, Шығыс Қазақстаннан Астанаға бет алған пойыз 4 сағатқа кешігіп келді. Ал, кешкі 19.30-да жолға шығуы тиіс пойыз түнгі 12-ден кете бірақ жүрді. Тағаты таусылған жолаушылар теміржол вокзалы басшылығынан темір жол көлігінің кешігу себебін түсіндіруді талап етті.
Рахила Исмайылова, жолаушы:
- Айтып түсіндіру керек қой. Ешкім ештеңе айтпайды.
Диас Ахметшәріп, «Жолаушылар тасымалы» АҚ ресми өкілі:
- Оған себеп - вагонның қосалқы бөлшегі істен шықты. Техникалық ақау жөнделіп, қалпына келтірілді. Осыған байланысты кері бағыттағы «Астана-Риддер» пойызы да бес сағатқа кешігіп шықты. Жол бойында жолаушылар тегін аспен қамтамасыз етілді. Біз жолаушылардан кешірім сұраймыз және осы жағдайға түсіністікпен қарауды өтінеміз.
Берік КӨШЕРБАЙ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
