Жаңа экономикалық ұйымды Қазақстан халқының 85-90 пайызы қолдайды

Еуразиялық экономикалық одақты Қазақстан халқының 85-90 пайызы қолдайды. Мұны Орталық коммуникациялар қызметіне келіп, журналистермен ой бөліскен Мәжіліс депутаты Жамбыл Ахметбеков айтты.

 

Депутаттың пікірінше, кей азаматтар әлеуметтік желілерде Еуразиялық экономикалық одақ Кеңес одағына қайта оралу, деп жазып жүр. 

 

Бірақ, олардың сөзінде нақты дәлел жоқ. Керісінше, үш ел бірігіп қимыл жасаса, дамуымыз бір жүйеге түседі.

 

Өйткені, қазақстандық өнім үлкен нарыққа шығып, тауарлардың бәсекеге қабілеттілігі артады. Яғни, бұл жаңа одақта саяси мүдде жоқ, тек экономикалық ықпалдастықты көздейді.

 

Жамбыл Ахметбеков, ҚР Парламенті Мәжілісінің депутаты:

Қазақстан Тәуелсіз мемлекет болып қалыптасты. Бұл - дефакт. Тәуелсіз елміз, Біріккен Ұлттар Ұйымына мүшеміз. Қазақстанның әлемдегі абыройы жылдан-жылға артып келеді. Біздің дамып келе жатқан экономикамыз бар, қалыптасқан саяси жүйеміз де бар. Сондықтан, Еуразиялық экономикалық одақ құру егемендігімізден айырады, деген пікірмен келісе алмаймыз.

 

Сәкен СЕЙІТХАНҰЛЫ