Жас сарбаздар әскерге аттанды - «Qazaqstan» Ұлттық телеарнасы

Жас сарбаздар әскерге аттанды

29.10.2018

«Әскерге бару – азаматтық парызымыз! Астанада күзгі маусымның кезекті 30 жас жауынгері әскер қатарына алынды. Олар түрлі әскери бөлімдерде өз борыштарын өтейтін болады. Шығарып салу салтанатына әскери басшылық пен ата-аналар қатысты. 

Ердос Қалқабай колледжді биыл ғана бітірген жас маман. Күзгі әскери шақыру кезінде шақырту келіп, барлық сынақтан сүрінбей өтті. Енді кешкі пойызбен Қапшағайдағы десанттық-шабуылдық бөлімге борышын өтеуге аттанады.

Ердос Қалқабай, жауынгер:

- Десанттық-шабуылдық әскери бөліміне түсу үшін көптеген қиындықтардан өттік. Медкомисиядан, психотесттен, физикалық дайындықтан өттік.

Қыркүйек пен желтоқсан аралығында Астанадан осындай 1000 сарбаз лек-легімен әскерге аттанады. Олар бір жыл бойы әскери шеберліктің қыр-сырын меңгеретін болады. Биыл әскерге 1993 және 2000 жылдар аралығында дүниеге келген жігіттер шақырылды.

Арман Қияқбаев, Астана қаласы Қорғаныс істері департаментінің бөлім бастығы:

- Мемлекеттік күзет қызметі бар, шекара қызметі бар, қазіргі таңда Қорғаныс министрлігінң әскерилерін жіберіп жатырмыз. Ұлттық ұланмен аяқтаймыз. 1 қыркүйектен бастап 1000 жуық бала жібереміз.

Жас жауынгерлерді әскерге шығарып салуға Қарулы күштердің басшылығы мен Астана әкімдігінің өкілдері және олардың ата-аналары қатысты. Жалпы, күзгі шақырылым кезінде республика бойынша 20 мыңға жуық жігіт әскер қатарына алынбақ.

 

Дулат АБИБУЛЛАЕВ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.

Хабарламаларға жазылу