ЕАЭО басты интеграциялық ұйымға айналады - «Qazaqstan» Ұлттық телеарнасы

ЕАЭО басты интеграциялық ұйымға айналады

02.06.2014
ЕАЭО басты интеграциялық ұйымға айналады
ЕАЭО ішкі жалпы өнімнің көлемі бойынша алдағы уақытта дүниежүзінде 3-ші орынға шығуы мүмкін. Осылайша, бұл құрылым әлемдік экономикалық жүйенің тепе-теңдігін сақтауға көмектеседі.
 
Алайда экономикалық одақты әлемнің өзге де интеграциялық орталықтары, соның ішінде Еуропалық одақ  бәсекелес ретінде емес, әріптес деп қабылдауы қажет. Мәскеуде өткен жиын барысында ресейлік сарапшылар осындай пікір білдірді.  
 
Владимир Лепехин, ЕурАзЭқ институтының директоры:
2015 жылдан бастап, бірыңғай энергетикалық нарық құрыла бастайды. Ал, 2025 жылы ортақ көмірсутегі нарығы қалыптасуы тиіс. Бұл біздің мемлекеттер үшін аса маңызды мәселе. Ал, оған дейін бірыңғай индустриялық және көлік кеңістігі жұмыс істеуі керек. Осылайша, Еуразиялық экономика біртіндеп дамитын болады. Бірақ, әлеуметтік, мәдени және саяси салаға қатысты ешқандай жоспар жоқ. Себебі, Еуразиялық одақ тек экономикаға негізделген.       
 
Нұртас СОЛТАНҰЛЫ

Хабарламаларға жазылу