Биыл 10 мыңнан астам мүмкіндігі шектеулі азамат жұмысқа орналастырылады - «Qazaqstan» Ұлттық телеарнасы

Биыл 10 мыңнан астам мүмкіндігі шектеулі азамат жұмысқа орналастырылады

12.06.2018

Бұл туралы бүгін баспасөз мәслихатында Еңбек және халықты әлеуметтік қорғау вице-министрі Нұржан Әлтаев мәлімдеді. Оның сөзінше, мүгедектерді жұмысқа алу үшін компанияларға арнайы субсидия бөліне бастаған. Яғни, 1 азамат үшін 127 мың теңге төленеді. Вице-министр электронды еңбек биржасының жұмысы жайын да айтты. Портал арқылы 5 ай ішінде 112 мың адам еңбекпен қамтылған. Бүгінде сайтта 35 мың бос жұмыс орны жарияланып тұр.

Нұржан Әлтаев, ҚР Еңбек және халықты әлеуметтік қорғау вице-министрі:

- Электрондық биржаларға бірқатар кәсіпорын өз вакансияларын көрсетіп, біз мүмкіндіктері шектеулі азаматтарды жұмысқа алуға дайынбыз дегенді қарастырып жатыр. Қазір 7 кәсіпорын біздің электрондық биржада өз вакансияларын көрсетіп қойған.

 

Фариза МҰСАҚЫЗЫ

«YouTube»-тағы «Qazaqstan TV» арнасына жазылып, AppStore және Play Market сервистерінен «Qazaqstan TV» мобильді қосымшасын тегін жүктеп алыңыз.

Хабарламаларға жазылу