ЕЭО-ға мүше елдердің теміржол тасымалдаушыларына тең жағдай жасалады - «Qazaqstan» Ұлттық телеарнасы

ЕЭО-ға мүше елдердің теміржол тасымалдаушыларына тең жағдай жасалады

18.04.2014
ЕЭО-ға мүше елдердің теміржол тасымалдаушыларына тең жағдай жасалады
Еуразиялық экономикалық одаққа мүше елдердің теміржол тасымалдаушылары үшін тең дәрежеде жағдай жасалатын болады. «Қазақстан Темір Жолы» ҰК» АҚ Корпоративтік даму жөніндегі басқарушы директоры Еркін Жусанбаев осылай дейді.
 
Сала басшысы Орталық коммуникациялар қызметінде еліміздің теміржол тасымалдаушыларының жаңа мүмкіндіктері туралы баяндап берді.
 
Айтуынша, еуразиялық экономикалық одақ туралы келісімшарттың жобасында қазір Қазақстан, Ресей және Беларусь инфрақұрылымдарының шекаралас жерлерінде тәуелсіз тасымалдаушыларға теңдей мүмкіндік ашу мәселесі қарастырылып отыр.
 
Еркін Жусанбаев, «Қазақстан темір жолы» ҰК АҚ» Корпоративтік даму жөніндегі басқарушы директоры: 
 Ол жерлер Қазақстан мен Ресей аумақтарында локомотивтерге қызмет көрсетілетін аймақ шекарасы ретінде анықталады. Яғни, үш елдің тасымалдаушыларының теңдей жағдайда жұмыс істеуіне мүмкіндік туады.
 
Сәуле АЛДАМҰРАТҚЫЗЫ

Хабарламаларға жазылу