Жаңалықтарды Telegram арнамыздан оқыңыз!Алматы облысында қоғам қайраткері, педагог-ғалым, тіл жанашыры Мұхтар Арынның ескерткіші ашылды. Бақалы ауылында бой көтерген мүсінді ғалымның ұрпақтары орнатты. Мұхтар Арын - Жетісу өңірінің төл перзенті.
Ол кеңестік кезеңде жабылып қалған қазақ мектептерін ел Тәуелсіздігінің алғашқы жылдарында қайта ашылуына, жер-су атауларының қазақшалануына үлесін қосты. Тіл мен дінді, тарих пен дәстүрді, туған жерді бес анық деп топтастырған еңбектерін зиялы қауым әлі күнге дейін зерттеп келеді.
Райхан Арын, М.Арынның жары:
- Бұл ескерткіш жас балаларға, ұрпақтарға үлгі болар. Келешекте осы Мұқаңдай жақсы адам болып, адамгершілігі мол, парасатты, зиялы адам болсын.
Амангелді Айталы, профессор:
- Мұқаң Бақалының, Сарқан ауданының, Алматы облысының Мұқаңы емес. Мұхтар Арын ол - қазақтың үлкен тұлғасы. Мұхтар Арын әр жерге де қымбат.
Қуаныш ҚАНАТҰЛЫ
«Qazaqstan TV» мобильді қосымшасын AppStore және Play Market сервистерінен тегін жүктеп алыңыз.
