Шараға дайындық барысын баяндаған ұйымдастырушылар Орталық коммуникациялар алаңында брифинг өткізді. Тау-кен өндіруші және тау-кен металлургия кәсіпорындары қауымдастығының атқарушы директоры Николай Радостовец 19-22 маусым аралығында өтетін конгреске Президент Нұрсұлтан Назарбаевтың қатысуға келісім бергенін мәлімдеді. Қазірдің өзінде 700-ге жуық делегат шараға мейман ретінде тіркелген.
Әбдірәсіл Жәрменов, Минералды шикізат кешенді өңдеу бойынша ұлттық орталықтың бас директоры:
- Конгресті бүкіл дүниежүзі өткізеді. Сондықтан, оның қандай пайдасы бар деген сұрақ дұрыс емес деп ойлаймын. Оның пайдасы - ғалымдар, өндірістің адамдары, саясаткерлер бір-бірімен кездесіп, бірінші бір-бірімен байланыс орнатады, екіншіден, тікелей жұмыс істеуге мүмкіндік алады.
Ғабит БӨКЕНБАЙ