Жаңалықтарды Telegram арнамыздан оқыңыз!Наурыз - жалпыхалықтық мереке. Ұлыстың ұлы күні еліміздің үлкен-кішісі бірін-бірі ұлық мейраммен құттықтап, шат-шадыман күй кешеді. Ауылда болсын, қалада болсын ,тұрғындар көшеге шығып, Наурыз көжеден дәм татып, ағайын-туысты аралайды. Астана жұртшылығы да Наурыз мейрамын сән-салтанатымен атап өтуде. Қала тұрғындары мен қонақтары екі күннен бері «ЭКСПО» алаңындағы үлкен мейрамға куә болуда. Бұл жерде келушілер ұлттық тағамдардан дәм татып, түрлі бағдарламаларға қатысып, мерекелік концертті тамашалауда.
Фариза МҰСАҚЫЗЫ
