Қазақстан мен Өзбекстан туризмді бірігіп дамытпақ

Бұл туралы бүгін Астанада өткен туристік форумда белгілі болды. Өзбек елінен жиынға арнайы делегация келді. Қос тарап бір-біріне өздерінің туризм саласындағы мүмкіндіктерін таныстырды. Бұл саланы жандандыруға екі елдің де мүмкіндіктері мол. Сондықтан, екі жақ «Ұлы жібек жолы» атты брендті әлемге танытпақ. Турдың өзбекстандық бөлігі Самарқанд, Бұқара, Хива сияқты қалалардан бастап, Қазақстанның Түркістан, Алматы, Шымкент қалаларында жалғасады. Сондай-ақ, жиында гастрономиялық турларды дамытуды қолға алу керектігі айтылды. Өйткені, туризмнің бұл бағыты әлемде өте үлкен сұранысқа ие. «Әлемдегі туристердің дені кез келген халықтың ұлттық тағамдарынан дәм татқанды ұнатады»,- дейді мамандар.