Ұлттық мұражайда мамандандырылған көрме ашылды - «Qazaqstan» Ұлттық телеарнасы

Ұлттық мұражайда мамандандырылған көрме ашылды

06.02.2018

Ұлттық мұражайда «Қарым-қатынас және сезімдер» атты мүмкіндігі шектеулі жандарға арналған көрме ашылды. Көрмеге Қазақстанның және ТМД елдері мүсіншілерінің қоладан жасалған туындылары қойылды. Экскурсия құлағы нашар еститін жандарға сурдоаударма арқылы жүргізіліп, ал көру қабілеті төмен адамдарға түсінікті болу үшін мүсін этикетаждары Брайль әліпбиімен жазылған. Көрменің басты ерекшелігі, келушілерге мүсіндерді қолмен ұстап көрулеріне мүмкіндік жасалды. Аталған шара ақпан айының 28-іне дейін жалғаспақ.

Гаухар Садыбай, ҚР Ұлттық музейі Музей педагогикасы және балалар шығармашылығы бөлімінің жетекшісі:

- «Мейірім» жобасының басты мақсаты - мүмкіндігі шектеулі жандарға мүмкіндік жасап, жағдай туғызу.

Досымжан ЕРМҰРАТ 

Хабарламаларға жазылу