Болат Жәмішев Петропавлға барды - «Qazaqstan» Ұлттық телеарнасы

Болат Жәмішев Петропавлға барды

06.03.2014
Болат Жәмішев Петропавлға барды

Биыл Петропавлда Назарбаев зияткерлік мектебі пайдалануға беріледі. Солтүстік Қазақстан облысына барған Өңірлік даму министрі Болат Жәмішев осы және басқа да құрылыс нысандарының, индустрияландыру картасына енген зауыт-кәсіпорындардың жұмысымен танысты. 

 
Солтүстік Қазақстан Ресейдің үш облысымен шекаралас. Сондықтан екі арадағы тауар айналым жылдан жылға артып келеді. Соңғы кездері құрылыс материалдары мен мұнай-газ саласына қажетті қондырғылар экспорттала бастады. Бұл интеграцияға оң ықпал етіп отыр. Облыс орталығында жаңа баспаналар тұрғызу да қолға алынған.
 
2011 жылдан бері Петропавлда 95 көпқабатты үйге тұрғын үй-коммуналдық шаруашылығын жаңғырту бағдарламасы аясында жөндеу жұмыстары жүргізілді. 2020 жылға дейін олардың саны 500-ге жетпек.
 
Болат Жәмішев, ҚР Өңірлік даму министрі:
Тұрғын үй қорының жаңғыртылуына мемлекет қызығушылық танытып отыр. Оған пәтер иелері де қарсы емес. Екіжақты келісім бар. Жергілікті атқарушы билік өкілдері түсіндіру жұмыстарын жүргізуі қажет. Мемлекет тарапынан бөлінетін қаржы қайтарылуы керек. Жалпы, Солтүстік Қазақстанның әлеуеті өте жоғары деп есептеймін. Өйткені олардың сыртқы нарыққа шығуына барлық мүмкіндік бар.
 
 
Сағындық  СӘБИТҰЛЫ

Хабарламаларға жазылу