Жаңалықтарды Telegram арнамыздан оқыңыз!Әлемдік сауда-саттықтағы Қазақстанның үлесі небәрі 0,12 пайыз. Бұл ақпаратты бүгін Қазақстанның Сауда кәсіпорындары қауымдастығының вице-президенті Жібек Әжібаева айтты. Бұл - өте аз көрсеткіш. Сондықтан да, сауда ел экономикасының басым бағыттарының бірі болуы керек.
Жалпы, сауда саласында халықтың 16 пайызы жұмыс істейді. «Президент пәрменімен кәсіпкерлікті қолдауға бағытталған нақты шаралар саланы дамытуға оң ықпал ететініне сенімдіміз», - деді қауымдастық өкілдері. Әсіресе, Президенттің шағын және орта бизнес субъектілерін тексеруге шектеу қою туралы Жарлығы осы саладағы 1 миллион 200 мың адамға бизнесін одан әрі дамытуға үлкен мүмкіндік беріп отырғанын жеткізді.
ДулатАБИБУЛЛАЕВ
