Көкшетауда қар түскенде асфальт төселген - «Qazaqstan» Ұлттық телеарнасы

Көкшетауда қар түскенде асфальт төселген

07.11.2017

Көкшетауда жаңбыр жауып, қар түскенде асфальт төселген. Жұмысшылардың бұл әрекеті тұрғындардың наразылығын тудырды. Себебі, сапасыз асфальт қопарылып жатыр, «қыруар қаржы далаға кетті», - дейді ашынған жұрт. Биыл Көкшетауда бірнеше көпқабатты үйдің аулалары жөнделді, жұмысты мерзімінде аяқтап үлгермеген құрылысшылар ылғалды жерге жол салған. Құрылысшылардың заңсыз әрекетінен жергілікті билік хабардар. «Асфальт төсеу жұмыстары биылға тоқтатылды», -  дейді олар.   

Базаржан Бейсенов, қала тұрғыны:  

 - Асфальтты жаңбыр жауып, қар түскеннен кейін судың үстіне салды. Қазірдің өзінде басылып, үгітіліп жатыр. Ертең көктем кезінде тіптен отырып, ой болып қалады.

Асқарбек Тоқанов, мердігер компанияның өкілі:

- Халықтың сынына шара қабылдаймыз. Осы жетінің аяғына дейін айтылған сын бойынша жұмыс жасап, түзеп береміз.  

Ермек ЕЛБЕРГЕН

Хабарламаларға жазылу