Петропавлда көктайғақтан 78 адам ауруханаға түсті

27.10.2017

Петропавлда көктайғақтың салдарынан соңғы 2 күнде ауруханаға 78-і адам түскен. Ауа райының қолайсыздығынан денсаулығына зақым келгендердің саны әлі де көбеюі мүмкін, - дейді дәрігерлер. Себебі, мұзға тайып мертіккендер сағат сайын ауруханаға жеткізілуде. Көбі егде адамдар. Көктайғақтың салдарынан қалада көлік апаты да жиіледі, - дейді мамандар.     

Валерий Грибашов, қалалық аурухананың жарақат бөлімшесінің меңгерушісі:

- Бүгін түске дейін көктайғақта құлап мертіккен 10 адам әкелінді. Ал, ауруханада жатқандардың дені ауыр дене жарақатын алғандар. Кейбірінің  иық, жамбас сүйектері сынған. Көлік апатына түсіп жарақат алғандар да жетеді.  

Самат САПАРАЛЫ

Хабарламаларға жазылу