Жаңалықтарды Telegram арнамыздан оқыңыз!2018 жылы әлеуметтік саланы қаржыландыруға республикалық бюджеттің 44,5 пайызы жұмсалады. Бұл туралы «Нұр Отан» партиясының фракциясында өткен жиында айтылды. Ел қалаулылары, депутаттар корпусы атынан 2018-2020 жылдарға бағытталған республикалық бюджет туралы заңға 115 түзету енгізген.
Олар халықты ауызсумен қамтамасыз ету, білім, денсаулық сақтау, мәдениет және спорт нысандарын салуға көптеп қаржы бөлуді ұсынған. «Бұл қадамдар - халықтың әлеуметтік әлеуетін көтеру үшін жасалып отыр», - дейді депутаттар.
Сондай-ақ, жұмыс тобының отырысында «Нұр Отан» партиясының сайлауалды міндеттемелерін қаржылық қамтамасыз ету мәселесіне баса назар аударылды.
Гүлмира Исімбаева, ҚР Парламенті Мәжілісі төрағасының орынбасары:
- Сайлауалды бағдарламаның түпкілікті мақсаты ел азаматының әлеуметтік игілігі. Халықтың әл-ауқатын жақсарту. Сайлауалды бағдарламаның негізгі мақсаты міндеттемелердің орындалуы, оның қаржылық қамтамасыз етілуі фракция мүшелерінің назарында.
