Басты Жаңалықтар АҚШ экономикасы долларды күшейтті

АҚШ экономикасы долларды күшейтті

31.01.2014 08:30

Ресей валютасы осы айдың өзінде доллармен салыстырғанда 7 пайызға жуық арзандап, құлдыраудан рекорд көрсетіп отыр. Салыстырып көрсек, рубль былтыр 12 айда мұнша құн жоғалтқан болатын.

Бұл жағдай қарапайым халықтың тұрмысына кері әсер ете бастады. «Азық-түлік пен жанармай және қызмет түрлері қымбаттап барады», - дейді Мәскеу тұрғындары. Бірақ, Ресей қаржы министрлігінің мәлімдеуінше, рубльдің әлсіреуі уақытша құбылыс.

Айта кетсек, осыған ұқсас ахуал Түркия, Бразилия, Үндістан, Аргентина, Оңтүстік Африка Республикасында да қалыптасып отыр.

Мәселен, түрік лирасының нарқы жыл басынан бері доллардың жанында 12 жарым пайызға төмендеген. Ұлттық валютаны қайта күшейту үшін елдің орталық банкі пайыздық ставканы айтарлықтай көтеруге мәжбүр болды.

Сарапшылардың пікірінше, доллардың күшеюі АҚШ экономикасының бірнеше айдан бері тоқтаусыз өсуімен байланысты.

Арыстан РЫСБЕК

Автор

Арыстан Рысбек

Бөлісу