Батыс Қазақстан облысының Ақсай қаласында жұмысшы қаза тапты - «Qazaqstan» Ұлттық телеарнасы

Батыс Қазақстан облысының Ақсай қаласында жұмысшы қаза тапты

16.08.2017

Оқыс оқиға су құбырларын ауыстыру кезінде болған. Үш метр тереңдікте қазылған шұңқырдың бір жағы кенеттен опырылып, үш жұмысшы үйінді астында қалып қойған. Бір адам сол жерде қайтыс болды, екі жұмысшы түрлі дәрежеде жарақат алған. Зардап шеккендердің бірі - 55 жаста, екіншісі - 46-да. Олар кеше түнде облыстық клиникалық ауруханаға жеткізілген. «Екеуінің де жағдайы ауыр», - дейді дәрігерлер. Ал, қаза тапқан 46 жастағы азамат Ақсай қаласының тұрғыны. Ол соңғы екі жылда «Ақсайжылуқуат» мекемесінде темір шебері болып қызмет еткен. Қазір оқиға бойынша қылмыстық іс қозғалып, тергеу амалдары жүргізілуде.    

 

Ардақ МҰРАТҚЫЗЫ

Хабарламаларға жазылу