Қазақстан мен Аргентина медиа салада тәжірибе алмасады

Деректі фильмдер мен спорттық тележобалар бойынша тәжірибе алмасып, тілішілер даярлау. Қазақстан мен Аргентина медиа салада әріптестік орнатпақ. Ақпарат және коммуникациялар министрі Дәурен Абаев пен Аргентинаның Бұқаралық ақпарат құралдары және қоғамдық пікір министрі Эрнан Ломбарди өзара ынтымақтастық туралы меморандумға қол қойды. Құжат аясында тараптар медиа сала бойынша жан-жақты әріптестік орнатпақ.

Айта кету керек, ЭКСПО-2017 көрмесінде Аргентина өз павильонын ұсынған. Оның ұлттық комиссары - Аргентинаның бұқаралық ақпарат құралдары және қоғамдық пікір министрі Эрнан Ломбарди. Жалпы, екі ел арасындағы дипломатиялық қарым-қатынас 1993 жылы орнады.

Дулат АБИБУЛЛАЕВ