Өскеменде жас инспекторлар байқауы мәресіне жетті

Өскеменде Халық қаһарманы Ғазиз Байтасов атындағы жол қозғалысы инспекторларының республикалық слеті аяқталды. Шараға еліміздің барлық облыстары мен Ресей және Қырғызстаннан 200-ге тарта оқушы қатысты. 17-ші жыл қатарынан өткізіліп отырған бұл шараның балалар үшін берері көп.

«Жол қозғалысы қауіпсіздігін сақтап, түрлі апаттың алдын алуда таптырмас тәжірибе жинаймыз», – дейді мамандар. Байқауда Қызылорда облысынан келген команда жеңімпаз атанды. Ал, халықаралық деңгейдегі сынақта қазақстандық топ екінші орынға тұрақтаса, ресейлік жас инспекторлар үздік танылды.

Жанболат САНИЯЗ