Мемлекет басшысы Астананың көрнекті орындарын аралады

Елбасы қайта жөндеуден өткен «Бәйтерек» монументіне барып, жаңарған ғимараттың жұмысымен танысты. Сондай-ақ, Нұрсұлтан Назарбаев қала көшелерімен жүріп, тұрғындармен тілдесті.

«Бәйтерек» монументі осыдан 6 ай бұрын күрделі жөндеуге жабылған болатын. Монументтің іші көркем безендіріліп, әдемілене түскен. Еденге мәрмәр төселіп, күмбез бен бағаналарға жылу сақтап, оған жұмсалатын шығынды азайтуға мүмкіндік беретін энергия үнемдегіш жаңа шынылар қойылған. Холға  үлкен LED-экран орнатылыпты. Астана тұрғындары мен қонақтарына арналып көркем өнер галлереясы да ашылды. Мемлекет басшысы жаңарған монуметтің әр бөлмесін аралап шықты.