Қазақстандық 118 жолаушы елге қайта алмай отыр

Қазақстандықтар соңғы 1 тәулік бойы Бейжіңнен Астанаға ұша алмай отыр.  «Эйр Астана» әуе компаниясына тиесілі борттың қозғалтқышында техникалық ақау шығып, рейс 21 сағатқа шегерілді. «Бейжің-Астана» бағытындағы ұшақ мамырдың 15-нен 16-на қараған түні жергілікті уақытпен 2:55-те ұшуы тиіс еді. Бортта болған 118 жолаушы қонақ үйге жайғастырылып, қажетті заттармен, азық-түлікпен қамтамасыз етілді. «Эйр Астана» компаниясының өкілдері оқиғаға қатысты түсініктеме беріп,  әуе борты Бейжің уақытымен 23:55 –те ұшатындығын мәлімдеді.