Балалардың қатысуымен тіркелген жол-көлік оқиғалары 28 пайызға кеміген

«Абайлаңыз, жүргізуші!».  Астанада мектеп оқушылары көлік жүргізушілерін мұқият болуға шақырды. Олар жол бойына түнде жарқырайтын бояулармен суреттер салды. Инспекторлар бас шаһардың жолдары балалар үшін қауіпсіз бола түскендігін айтады. Оған нақты мысал, өткен жылмен салыстырғанда биыл балғындардың қатысуымен тіркелген жол-көлік оқиғалары 28 пайызға кеміген. Бүгін «Қауіпсіз жол» шарасы аясында оқушыларға түнде жарқырайтын білезіктер таратылды. Ал, жас инспекторлар жол қозғалысының қауіпсіздігіне қатысты қойылым қойды.

Ғабит БӨКЕНБАЙ