Астанада алты жастағы қызды зорламақшы болған күдікті ұсталды

Астанада алты жастағы қызды зорламақшы болған күдікті ұсталды. Бүгін әлеуметтік желіде жартылай шешінген ер адамды «педофил» деп айыптап, соққы жасап жатқан видео тарап кетті.  Күдікті баланы үйінен алдап шығарып алып, адамдардан алыс жерге - қамыстың арасына апарған. Одан соң, арам ойын іске асырмақ болыпты. Бірақ, сол маңда жүрген құрылысшылар ер адамды қызды зорламақшы болған жерінен ұстап алған. Видеода оқиғаның жаңа вокзал маңында болғаны айтылады. Кейінірек ер адамды полицейлер алып кетті.

Азамат НҰҒЫМАНОВ