Үштөбеліктер офицерді ақтық сапарға шығарып салды - «Qazaqstan» Ұлттық телеарнасы

Үштөбеліктер офицерді ақтық сапарға шығарып салды

20.02.2017
Қар көшкіні кезінде қаза болған офицер Әлішер Мошабаев Алматы облысының Үштөбе қаласында жерленді. Марқұмның соңында анасы, жары және бір жасар баласы қалды. Аға лейтенант Мошабаев 1991 жылы дүниеге келген. 2008 жылы мектеп бітіріп, Алматы қаласындағы әскери институтқа оқуға түседі. Оқуын ойдағыдай аяқтап, Жамбыл облысындағы 91/678 әскери бөліміне жөнелтіледі.

Жас офицер әскери қызметінен бөлек экстремалды альпинизммен шұғылданған. Қаралы митингте сөз алған қарулас достары Әлішердің ерлікпен қаза тапқанын айтты. Егер взвод командирінің жедел әрекеті болмағанда опат болғандар саны одан да көп болар еді деген болжам келтіруде.

Қуаныш ҚАНАТҰЛЫ

Хабарламаларға жазылу