Ақтауда сотталған 6 әскери қызметкер рақымшылыққа ілікті

Ақтауда оқу-жаттығу кезінде сарбаздардың қаза табуына байланысты істі болып, сотталып кеткен 6 әскери шенді рақымшылыққа ілікті.

Естеріңізде болса, 2 жыл бұрын 4 бронды техника теңізге батып кетіп, 4 адам қайтыс болған еді. Соған байланысты Ақтау гарнизоны әскери соты қараша айында үкім кесті. Нәтижесінде, теңіз жаяу әскері мен Батыс өңірлік қолбасшылығының үш лауазым иесі қызметіне салғырт қарады деп айыпталып, 2 жыл 6 ай қамалды. Сонымен қатар, оқу-жаттығу кезінде адамдарды құтқарып қалған екі сарбаз 6 айға шартты түрде сотталып, тағы бір сарбаз 1 жылға бас бостандығынан айырылған болатын. Бірақ, аппеляциялық шағым түсірген олардың барлығына әскери соттың қаулысымен рақымшылық жасалды.

Нысаналы ЫҒЫЛ