Шахандағы үйсіз қалғандарға пәтер беріледі

Шахан кентіндегі мүлде баспанасыз қалған отбасыларға Қарағанды облысының кез-келген жерінен таңдаған пәтері беріледі. Бұл туралы орталық коммуникациялар қызметінің брифингінде қамқоршылық кеңесінің төрайымы Жамала Мамерханова мәлімдеді.

Бір бөлігі опырылып түскен подъездегі баспанасы бүлінбеген тұрғындар да таңдауды өздері жасай алады. Егер қандай да бір себептермен бұл үйде тұрмаймыз десе, оларға Шахан кентінен пәтер сатып әперіледі. Сондай-ақ, үйге жөндеу жұмыстары қажет болса, оны да ұйымдастырамыз,-дейді кеңес мүшелері.