Өскеменде өрт үш адамның өмірін қиды

Өскеменде үй өртеніп, 3 адам қаза тапты. Қайғылы оқиға түн ортасында басталып, көзді ашып жұмғанша жер үй түгелімен қызыл жалынға оранған. Қалалық төтенше жағдайлар басқармасының қызметкерлері өрттің ішінен 7 жастағы қыз баламен 2 ер адамды алып шыққан.
Өкінішке қарай, олар қою түтінге тұншығып, қаза болды. Қыздың анасы да зардап шеккен. Қазір ол қалалық аурухананың реанимация бөлімшесінде жатыр. Дәрігерлердің айтуынша, жағдайы ауыр.