Елбасы РТЖ басшысы Олег Белозеровпен екі елдің транзиттік әлеуетін талқылады

17.06.2016
Елбасы РТЖ басшысы Олег Белозеровпен екі елдің транзиттік әлеуетін талқылады

Қазақстан Президенті Нұрсұлтан Назарбаев «Ресей темір жолдары» ААҚ президенті Олег Белозеровпен кездесті, деп хабарлады Ақорданың баспасөз қызметі.

Кездесу барысында көлік-логистика саласындағы ынтымақтастықты дамыту мәселелері, сондай-ақ, екі елдің көлік әлеуетін іске асырудың перспективалы бағыттары талқыланды.

Нұрсұлтан Назарбаев теміржол компаниясымен ынтымақтастықтың табыстылығына назар аударып, осы саладағы серіктестікті инновациялық технологияларды енгізу және тасымалдар тиімділігін арттыру арқылы одан әрі дамыту қажеттігін айтты.

О.Белозеров Қазақстан тарапымен өзара іс-қимыл деңгейінің жоғары екенін атап өтіп, таяу кезеңге арналған жұмыс жоспарлары жөнінде әңгімеледі.

Хабарламаларға жазылу