Бұқтырма су қоймасы арқылы өтетін көпірдің құрылысына қытайлық инвесторлар қатысуы мүмкін

Бұл туралы Қытайдан Шығыс өңіріне арнайы келген делегация өкілдері мәлімдеді.

Шығыс Қазақстандағы Бұқтырма су қоймасы арқылы өтетін көпірдің құрылысына қытайлық инвесторлар да қатысуы мүмкін. Бұл туралы Қытайдан Шығыс өңіріне арнайы келген делегация өкілдері мәлімдеді.

Көпірдің салынуын Күршім және Катон-Қарағай аудандарының халқы көптен күтіп жүр. Қазір тұрғындар қалқымалы паром арқылы өтеді. Алып көпірдің ұзындығы 1300, ал ені 13 метрді құрайды деген жоспар бар.

Бүгінде облыс басшылығы осы және тағы бір көпір құрылысы бойынша қытайлық инвесторлармен келіссөздер жүргізуде.

Берік КӨШЕРБАЙ