«Қазақстан» Ұлттық арнасының қызметкері Құралай Омар мемлекеттік стипендия иегері атанды

«Егемен Қазақстан» басылымы бүгінгі санында Қазақстан Республикасы Президентінің 2015 жылы мәдениет саласында мемлекеттік стипендиялар беру туралы Өкімін жария етті.

Мемлекеттік стипендияға ие болған азаматтардың арасында елімізге белгілі ақын, жазушылар, аудармашылар, әдебиетшілер, театр майталмандары мен композиторлар бар. Олардың қатарында «Қазақстан» Ұлттық арнасының қызметкері, белгілі ақын, «Шабыт» шығармашыл жастар фестивалінің лауреаты Құралай Омар да бар.

Құралай Омар Өкімде Әдебиет қайраткерлерімен қатар аталды. Осыған байланысты «Қазақстан» Ұлттық телеарнасының ұжымы әріптестерін осы жетістігімен шын жүректен құттықтап, шығармашылығына табыс тілейді.