Министр қайғылы жағдайларға жол бермеуді тапсырды

ҚР Қорғаныс министрі Иманғали Тасмағамбетов ведомствода аппараттық кеңес өткізді. Онда оқ-дәрі қалдықтарын жою кезінде 8 қарашада Арыс қаласының маңындағы полигонда орын алған оқиғаға қатысты мәселе қаралды. Сонымен бірге, министр осыған ұқсас жағдайларды болдырмау жөнінде де тапсрыма берді.

Қорғаныс министрлігінің баспасөз қызметі хабарлағандай, министрліктегі жиында Иманғали Тасмағамбетов «Қазтехнология» ЖШС-ның басшысына алдағы уақытта осындай оқиғаларды болдырмау және жарылғыш заттарды залалсыздандыруға роботтық техниканы енгізуді тапсырған. Осылайша оқ-дәрі қалдықтарын жою немесе залалсыздандыру кезінде адами ресурстарды мейілінше аз пайдалану көзделіп отыр. Яғни, қорғаныс саласында жаңа технологияны молынан қолдану керек.

Естеріңізге салар болсақ, 8 қарашада Оңтүстік Қазақстан облысы Арыс қаласының маңындағы «Қазтехнология» ЖШС-ның оқ-дәрі қалдықтарын жою және залалсыздандыру полигонында төтенше оқиға болған еді. Жарлығыш хаттардың жарылысының салдарынан бір қызметкер қаза тапқан болатын.

Қазір аталған оқиғаны тексерумен 2007 жылғы 15 мамырдағы ҚР Еңбек кодесінің №252-ІІІ Заңы 326-бабы, 7-тармағына сәйкес Оңтүстік Қазақстан облысы еңбек басқармасының ресми комиссиясы айналысып жатыр