Шығыс Қазақстан облысында су тасқынынан зақымданған көпірлер жөнделуде

Екпінмен аққан қар суы Зырян ауданында қарасты Снегирево ауылының қасындағы көпірді шайып кеткен болатын.

Өскемен мен Семей қаласының арасындағы Қарасу өзені арқылы өтетін өткел шайылып, соның салдарынан көпірдің бір шеті құлап қалған. Табиғаттың тосын мінезіне «Семей-Қайнар» тасжолындағы көпір де шыдамады.

Республикалық жолға жауапты құзырлы мекеме қираған көпірлердің қасынан сол кезде айналма жол сала қойып, көлік қатынасын бірден қалпына келтірген . Қазіргі уақытта тасқыннан зардап шеккен көпірлерді жөндеу жұмыстары қызу жүргізілуде. Бұл үшін республикалық бюджеттен 200 миллион теңге бөлінген.

Берік КӨШЕРБАЙ