ШЫҰ мүше мемлекеттер бас прокурорларының 13-ші отырысы өтуде

Қазақстанда экстремизм қаупі сейілер емес. Бұл туралы бүгін Астанада еліміздің бас прокуроры Асхат Дауылбаев мәлімдеді. Дәл қазір Елордадағы Тәуелсіздік сарайында ШЫҰ-ына мүше мемлекеттер бас прокурорларының 13-ші отырысы өтіп жатыр.

Асхат Дауылбаевтың айтуынша, түрлі алдын алу шараларының жүргізіліп жатқанына қарамастан, экстремизм мен терроризм қаупін толық сейілттік, деп айтуға әлі ерте. Сондай-ақ, бас прокурор Қазақстан үшін есірткінің жаңа түрлерінің пайда болуы өзекті проблемаға айналып отырғанын жеткізді.

Айбар ТӨЛЖАНҰЛЫ