Жаңалықтарды Telegram арнамыздан оқыңыз!Сайысты сарбаздар заңғар көктен парашютпен секіріп бастады. Әр қимылы уақытпен есептеулі топ мүшелері жұмылған жұдырықтай қимылдады.
Бұл биатлон бағдарламасындағы ең қауіпті сынақ түрі. Сондықтан, сарбаздардың қауіпсіздігін қамтамасыз ету үшін парашюттер жаңартылған.
800 метр биіктіктен сескенбей секіріп жерге түскен сарбаздар екінші сынға беттеді. Арнайы газтұмылдырықтарын киіп, көк түтіннің арасымен 200 метр қашықтыққа жүгіріп өтті.
Ал, сайысты сырттай бақылап жүрген Үндістаннан келген қонақтар ұйымдастырылу жұмысына жоғары баға берді.
Келесі жылы мұндай жарыс халықаралық деңгейде өтеді. Ал, биылға сынның қорытындысы 25- шілдеде белгілі болады. Әзірге 32363-ші әскери бөлімшенің десантшылары топ бастап келеді.
Аманкелді СЕЙТХАН
