Жаңалықтарды Telegram арнамыздан оқыңыз!Алматыда кешеден бері толассыз жауған жаңбырдан шаһардағы үлкен айналма жолдардың астында су жиналып, көлік қозғалысы қиындады.
Таулы аймақта лай ағынынан Шымбұлақ шатқалына баратын жолда да қозғалыс бірнеше сағатқа тоқтады.
«Қазселденқорғау» ММ қызметкерлері жолды лай ағынынан құлаған ағаштар мен тастардан тазартуда.
Секундына 11 метр жылдамдықпен соққан желдің салдарынан қалада 9 ағаш опырылып, 40 жарықтандыру желісі үзілген. Көшелердегі суды сору үшін 64 арнайы техника, 328 адам жұмылдырылды.
Нұрлан НАУРЫЗАЛИЕВ
