Сенат отырысында ойын бизнесі мәселелеріне арналған Заң жобасы қаралды

Бүгін Сенаттың жалпы отырысында депутаттар «ҚР кейбір заңнамалық актілеріне ойын бизнесі мәселелері бойынша өзгерістер мен толықтырулар енгізу туралы» Заң жобасын бірінші оқылымда мақұлдады.

Құжат бойынша Салық Кодексінде айсайынғы салық алымын арттыру ұсынылады.

Сондай-ақ,ойын бизнесін ұйымдастырушысына уәкілетті органдарға үш айда бір рет банк салымы бойынша шарт жасасқан кезде, ашылған банк есебі бойынша ақша қозғалысы туралы анықтама ұсыну жүктелмек.  

Тағы бір айта кетерлігі, алдағы уақытта жарнама туралы Заңда интернет-казино жарнамасына тыйым салу туралы ереже бекітілуі мүмкін.  

Индира БЕГАЙДАР