Тарихшылар Елбасының пікірін қолдайды

Ұрпақтарымыз аяғынан нық тұруы үшін бабалардан қалған ел болғанын, жұрт болғанын, хандық болғанын, олар осы жер үшін күрескенін, қан төккенін білуі керек. Президент Нұрсұлтан Назарбаев журналистерге берген сұхбатында осылай деп пікір білдірді.

Айтылған ойды тарихшылар да қолдап отыр. Келер жылы елімізде Қазақ хандығы құрылуының 550 жылдығы аталып өтілмек.

Осыған орай Үкімет жанынан комиссия жасақталып, тарихшылар қарқынды жұмысқа кірісіп кетті.

Алдағы уақытта қазақтың 17 ханының болмысын, ерліктерін көрсететін, энциклопедия жарыққа шықпақ.

Қосымша анимациялық мультфильмдер мен тарихи көркем фильмдерді түсіру қолға алынады.

Сәкен СЕЙІТХАНҰЛЫ