Жаңалықтарды Telegram арнамыздан оқыңыз!Бүгін Павлодар өңірінің өнері мен әдебиетінің дамуына қомақты үлес қосқан зиялы қауым өкілдері облыс әкімінің гранттарына ие болды, деп хабарлайды pavlodarnews.kz.
Аймақ басшысы Қанат Бозымбаев зиялы қауым өкілдерін Тәуелсіздік күні мерекесімен құттықтап, игі тілектерін жолдады.
"Биыл Қазақстан Жазушылар одағы 80 жылдық мерейтойын атап өтті. Сіздерді осынау атаулы оқиғамен құттықтап, шығармашылық табыс тілеймін", - деді Қ. Бозымбаев.
Құрметке бөленген азаматтар қатарында ақын-жазушылар Арман Қани, Виктор Семерьянов, Юрий Поминов, Сүлеймен Баязитов, Сайлау Байбосын, Жанаргүл Қадырова, Қуандық Жүсіпов, Жұмағали Қоғабай, Ғалымбек Жұматов, Ақын Алақан бар.
