Көкшетау қаласының 55 жастағы тұрғыны күйеуін өлтіруге тапсырыс берген

Желтоқсан айының басында Ақмола облыстық Ішкі істер департаментінің қызметкерлеріне бір азаматшаның жұбайын арнайы ақыға өлтіретін адам іздеп жүргені туралы жедел ақпарат келіп түседі.

Қылмыстың алдын-алу мақсатында құқық қорғаушылардың бірі шартты түрде күдіктімен киллер ретінде келісімге келеді.

1959 жылғы күйеуінің өмірін 200 мың теңгеге бағалаған азаматша орындаушыдан дәлел ретінде фотосуреттің болуын да талап еткен.

Жасанды сурет пен ақша айырбастау кезінде күдікті қолға түсті. Ол әрекетін жұбайының бұрын ішімдік ішіп, соққының астына алғаны үшін кек қайтармақшы болғандығымен  түсіндіруде.

Ермек ЕЛБЕРГЕН