Жаңалықтарды Telegram арнамыздан оқыңыз!Республикалық «Мерейлі отбасы» байқауында жеңімпаз атанған түркістандық Бимағанбетовтер әулетінің бұл күнде мерейі үстем болып, абыройы артты.
Байқаудың аяқталғанына бірнеше күн өтсе де, күллі Қазақ еліне танылған отбасыны құттықтап келушілер толастар емес.
Бимағамбетовтер отбасына келген қонақтар бәрі де отағасы Елтай ақсақал мен Елена әжейдің Астана барған сәті, Елбасымен кездесуден алған әсерін тыңдауға келген.
Ал әулеттің ұл-қыздары мен немере-шөберелері қара шаңырақта бас қосты.
Бақ қонып, құт дарыған әулетте осылайша ұрпақ сабақтастығы әдемі жалғасын тауып келеді. Еліміздің демографиясына өзіндік үлес қосып отырған мерейлі отбасы бүгінде күллі қазақ еліне танымал болып, талайларға үлгі, өнегеге айналды.
Айнұр АҚБАЕВА
