Маңғыстау облысында «Мерейлі отбасы» байқауы жеңімпаздарының суреті бейнеленген баннер ілінеді

Маңғыстау облысында «Мерейлі отбасы» ұлттық байқауына қатысқан Құлышовтар отбасының суреті бейнеленген баннер орнатылады. Бұл туралы облысы әкімдігінің баспасөз қызметі хабарлады.

Облыс әкімі Алик Айдарбаев «Мерейлі отбасы» байқауының жеңімпаздары Құлышовтар отбасын арнайы қабылдап, бағалы сыйлық табыс етті.

Сондай-ақ, жексенбі күні әуежайдан маңғыстаулықтар «Мерейлі отбасы» байқауының жеңімпаздары Құлышовтар отбасын қарсы алған болатын.

Айта кетсек, аталмыш байқауға еліміздің барлық өңірінен 1298 отбасы қатысқан. Ал шешуші сайысқа смс және интернет-дауыс беру арқылы өңірлік турлар қорытындысы бойынша 16 үміткер-отбасы шықты.