Мерейлі отбасы ауылына оралды

Кеше ғана мәресіне жеткен «Мерейлі отбасы» байқауына қатысып, Елбасы қолынан автокөлік кілтін алған Мұқашевтар отбасы ауылына оралды.

Ақмола облысы, Ақкөл ауданы, Өрнек ауылының тұрғындары оларды қуанышпен қарсы алды.

Отағасы Ешмұхан Мұқашев – Екінші дүниежүзілік соғысының ардагері, «Даңқ» орденімен және бірнеше медальдармен марапатталған. 1943 жылы Сталинград шайқасы кезінде жараланып, туған еліне қайтады. Жұбайы екеуі сегіз баланы бағып-қағып, өсірген. Бүгінде бейнетінің зейнетін көріп отырған мерейлі отбасы.