Жаңалықтарды Telegram арнамыздан оқыңыз!Бүгін Алматыда өңірдегі 16 аудан мен 3 қаланың ауылшаруашылық өнімдерін өндірушілер қала халқына базардағыдан 15 пайыз арзан бағада азық-түліктің 45 түрін ұсынды.
Мәселен, сиыр еті – 1100, қой еті 1000 теңгеге саудаланса, күріштің 1 келісі – 150, сүт – 120, сары май – 1000, картоп – 60-70, қызанақ – 65 теңгеден сатылды.
Алматы облысы - шаһарды 58 пайыз ауылшаруашылығы өнімімен қамтып отыр. Жылына 2 рет қалада жәрмеңке ұйымдастырады.
Бұл жолы жалпы құны 116 миллион теңге болатын 218 тонна ауылшаруашылық өнімдері сатылып, күзгі өнім көптің көңілінен шықты.
Әр жәрмеңкеде Алматы қаласы мен аймақ әкімі азық-түлік сапасы мен бағаларын сараптап, алда бірге атқаратын істерді қарастырады. Осы жолы да тың жобалар туралы айтылды.
Амандық Баталов, Алматы облысының әкімі:
Біздің қаланың аграрлық сектор ғана емес, алматылық агломерация деген жобамыз бар. Ол Алматы мен оның жан-жағындағы 5-6 ауданы бірігіп жұмыс ісітейді деген сөз. Сонда Елбасының тапсырмасын орындауға жағдай болады.
Жазира ИСАЕВА
