Өзбекстан азаматшасы Қазақстан арқылы заңсыз алтын алып өтпек болған

Алтыннан жасалған зергерлік бұйымдарды Ресейге заңсыз апара жатқан Өзбекстан азаматшасы Кеден қызметкерлерінің қолына түсті.

«Ташкент-Мәскеу» пойызының жолаушысы  Ақтөбе шекара отрядының «Жайсаң» теміржол бекетінде ұсталды.

Оның сөмкесінен салмағы  800 грамм болатын 100-ден астам алтын жүзік пен басқа да зергерлік бұйымдар тәркіленген.

Ұсталған азаматшаның сөзінше, ол бұл бұйымдарды Әндіжаннан алып, Ресейге апарып сатпақ болған.  

Дулат АБИБУЛЛАЕВ