Жаңалықтарды Telegram арнамыздан оқыңыз!Қазақ-Қырғыз шекарасында героин алып өтпек болған Ресей азаматы ұсталды. «Қарасу» бақылау бөлімінің қызметкерлері Қырғыз елінен Ресейге бағыт алған «Chevrolet Niva» автокөлігіне тінту жүргізеді. Үйретілген иттердің көмегімен көліктен 25 келі героин мен 3 келі гашиш табылған. Көлік иесі - 52 жастағы Ресей азаматы қамауға алынды.
Естеріңізге сала кетейік, осыдан бір апта бұрын Қазақстан-Ресей шекарасында «Opel» автокөлігінен 20 келі героин табылған болатын. Қазір осы екі іске байланысты тергеу жүріп жатыр.
Руслан НҰРЛАНҰЛЫ
