Жаңалықтарды Telegram арнамыздан оқыңыз!«Әскери ынтымақтастықты нығайту керек. Ол ең алдымен кез-келген елдің әлеуетін көтеруге сеп болады»,-дейді ТМД Қорғаныс министрлері. Бүгін Астанада Қазақстан, Әзірбайжан, Армения, Беларусь, Қырғыз Республикасы, Ресей, Тәжікстан, Өзбекстан қорғаныс мекемелерінің өкілдері кезекті отырыс өткізді.
Онда көпжақты әскери ынтымақтастықтың түрлі аспектілері бойынша 20-ға жуық мәселе қаралды. Сондай-ақ, әуе шабуылына қарсы қорғаныс, әскери білім, әскери-қолданбалы спорт түрлері әңгіме өзегіне айналды.
Отырыс соңында әскери-техникалық, әлеуметтік-құқықтық, гуманитарлық салалардағы өзара іс-қимылды әрі қарай нығайту жөніндегі құжаттар қабылданды.
Индира БЕГАЙДАР
