Мұнайшы спорт кешені директорының үстінен қылмыстық іс қозғалды

Атырауда «Мұнайшы спорт кешені» мемлекеттік қазыналық кәсіпорны директорына қатысты қылмыстық іс қозғалды. Мекеме басшысы 2013 жылғы қаңтар айының 3-і мен 2014 жылдың 31-ші наурызы аралығында спорт кешеніне қатысы жоқ 8 адамға жалақы төлеп келген деген күдік бар.  Осындай заңсыз әрекеттердің салдарынан мемлекетке 3 миллион 200 мың  теңге залал келтірілген.

Динара Құрымбаева,  Экономикалық қылмысқа және сыбайлас жемқорлыққа қарсы күрес департаментінің баспасөз хатшысының міндетін атқарушы:

Өзіне сеніп тапсырылған, жалпы 3,2 миллион теңге қаражатты ысырап етті деген күдік бар. Қылмыстық іс тергелуде. Нәтижесі жұртшылыққа жария етіледі.

Батырбек ҚУАНДЫҚҰЛЫ