Жаңалықтарды Telegram арнамыздан оқыңыз!Екібастұздық полиция қызметкерлерінің жанқиярлығы арқасында оқушылар мінген автобус жол апатынан аман қалғанын бұған дейін де айтқан болатынбыз.
Павлодардан Екібастұзға келе жатқан автобусқа қарама-қарсы бағыттан «Honda» көлігі шыға келеді. Осы мезетте дәл ортаға полиция көлігі келіп килігеді.
Жүйткіп келген «Honda» жылдамдығын тежеп үлгірген жоқ. Ал, мынау - соқтығыстан кейінгі көліктердің кейпі.
Полиция көлігінің жүргізушісі Абдысабыр Закиров ауруханаға жеткізіліп, медициналық көмек көрсетілді. Оның әріптесі Қанат Байысов та аман.
Жол тәртібін қадағалау ротасының экипажы балалар мінген автобусқа жолбасшы болып келе жатқан. Жігіттердің батылдығы арқасында оқушылар аман қалды.
Болат АМАНБАЕВ
&mh_tags=Qazaqstan&mh_page=https://qazaqstan.tv/news/33565/){kind=small}
